Müğənni Yaşar Cəlilov Azərbaycanda bir çox sevilən mahnıların müəllifi, bəstəkar Kamalın yeni əsərini ifa edib.
Müğənni Axşam.az-a bildirib ki, sözləri nəğməkar şair Baba Vəziroğluna aid olan "Ulduzlu gecə" mahnısı artıq hazırdır. Yaxın günlərdə təqdimatı keçiriləcək kompozisiyanın aranjimanında 12 skripkadan istifadə olunub. Y. Cəlilovu Türkiyənin peşəkar skripkaçıları müşayət edib.
Lirik janrda olan "Ulduzlu gecə" mahnısı Y. Cəlilovun bu il çıxartmağa hazırlaşdığı 3-cü albomuna daxil ediləcək.