Dünən xalq artisti Məleykə Əsədovanın ad günü olub.

Axşam.az-ın məlumatına görə, 47 yaşı tamam olan aktrisa həmin günü evində yaxınları ilə birlikdə qeyd edib. M.Əsədova rəfiqəsi və qızı ilə çəkdirdiyi fotoları İnstaqram səhifəsində paylaşıb.

"Ad günümü evdə qeyd etdim. Doğmalarım səhərə qədər bizdə idi. Məni sevindirdilər. Nə yaxşi ki, sizlər varsınız. Şükür bu günümə. Həyat gözəldir" deyə təəssüratlarını bölüşüb.

Qeyd edək ki, Məleykə Əsədova ad günü münasibətiylə onla bağlı sənədli film çəkildiyini bildirib. “Səhnəmizin kraliçası” adlanacaq filmdə aktrisanın sənət fəaliyyəti əks olunacaq.